#8 2007 нче ел
Без булдырабыз!
|
Акыл белән гамәл кыла белгән Халыкта тик – шәхес табыла. Халык белән шәхес даны үсә, Шәхес белән – халык таныла. Эльмира Шәрифуллина. |
1 нче татар гимназиясе укучыларының күбесе көннән-көн белемнәрен арттырып тора. Безнең гимназистлар күп кенә олимпиадаларда җиңәләр, мәктәп данын яклап һәрьяктан үзләрен сыныйлар. Шундый алдынгы укучылар рәтендә булганнарның берсе – Сәлимгәрәева Ландыш.
Тулы исеме: Сәлимгәрәева Ландыш Шамил кызы.
Йолдызлыгы: үлчәү.
Туган елы: 07.10.92
Хобби: кызыклы китаплар уку.
Ландыш белән әңгәмә корып алыйк.
– Ландыш, син күбрәк нинди фәннәрне яратасың?
– Математика, әдәбият һәм рус әдәбиятын.
– Яраткан укытучыларың бармы?
– Мин укытучыларның бөтенесен яратам.
– Ә мәктәпне укып бетергәч нинди югары уку йортына керергә телисең?
– Минем теләгем – КГФЭИда уку.
– Сиңа күбрәк нинди сыйфатлар хас дип уйлыйсың?
– Тырышлык, үзеңнең куйган максатыңа ирешү.
– Ландыш, сер булмаса, син нәрсә турында хыялланасың?
– Белемле, укымышлы, бәхетле булу турында.
– Күз алдыңа китер, Рәшитов Булат президент постын калдырды ди, һәм сине лидер итеп сайладылар. Син, гомумән гимназиядә нәрсәләрне үзгәртер идең?
– Гимназиябездә миңа бөтен әйбер дә ошый. Безнең үзидарә президентлары мәктәпне яхшыртыр өчен барлык әйберләр дә эшләделәр. Шуңа күрә мин дә аларның политикасын алып барыр идем.
– Үзеңнең мәктәп тормышына килгәндә, берәр нинди кызыклы вакыйгалар булдымы соң?
– Кызыклы вакыйгалар күп булды инде. Аларның берсен генә аерып күрсәтеп булмый.
– Әгәр дә сиңа берәр атаклы кеше белән аралашырга туры килсә, синең беренче адымың?
– Беренче эш итеп мин бу кеше белән исәнләшер идем.
– Син уңышка ничек ирештең? Бәлки безгә дә кайбер киңәшләр бирерсең?
– Минемчә, уңышка тырышып кына ирешеп була. Шулай ук күбрәк китаплар укырга кирәк, үзеңнең вакытыңны дөрес билгеләргә һәм үзеңнең көчләреңә ышанырга.
– Син һәрвакыт китап кына укып утырмыйсыңдыр. Ә татар эстрадасында синең яраткан җырчыларың бармы?
– Минем яраткан җырчыларым Ландыш Нигъмәтҗанова һәм Иркә.
– Әйдә синең уңышларың турында сөйләшеп алыйк әле. Кайсы фәннәрдән олимпиадаларда катнаштың? Ничәнче урыннар алдың?
– Рус теленнән, татар теленнән, химиядән - 3 нче урыннар, ә татар әдәбиятыннан 1 нче урын алдым.
– 1 нче сыйныфтан 1 нче гимназиядә укыйсыңмы? Гимназиянең башка (мәктәп)гимназиядән өстенлеге?
– Мин бу гимназиядә 2 нче сыйныфтан бирле укыйм. Минемчә, безнең мәктәптә дисциплина, укыту югары дәрәҗәдә.
– Ландыш синең белән аралашу бик кызыклы булды. Җылы һәм файдалы әңгәмәң өчен рәхмәт. Уңышлар сиңа!
Ландыш белән очрашып әңгәмә коручылар 7 “А” сыйныфы укучылары Минһаҗева А. һәм Надршина А.
Баш мөхәррир – Шәмсиева Г.Г., гимназия директоры;
Техник мөхәррир һәм дизайнер - Багаутдинова Р.Р., информатика укытучысы, Ибрагимов М. (11А);
Координаторлар - Әхмәдуллина Э.Н., башлангыч сыйныф укытучысы, Гыйләҗева Г.Ф., татар теле һәм әдәбият укытучысы;
Информацион үзәк - Ахметшина А.Т., тарих укытучысы, , Гайсина (11А),
Надршина һәм Минхаҗева (7А), Мадиярова Ф. (10Б), Гатиатуллина (10Б)