Безнең яшь галимнәребез

Бүгенге көндә фән белән шөгыльләнү кызык һәм файдалы гына түгел, ә дәрәҗәле дә. Фәндә җитди казанышлар үзебезнең талантыбызны үстерү өчен, безнең алдыбызда гаҗәеп һәм чиксез дөнья мөмкинчелекләрен ача. Безнең гимназиядә укучыларны белем алуга юнәлдерүдә фәнни-тикшеренү өлкәсендә нәтиҗәле эш алып барыла: югары квалификацион категорияле педагоглар җитәкчелегендә 7 укучы фәнни эш башкарды.

30 нчы гыйнварда 1 нче Татар гимназиясе укучылары ТР Мәгариф идарәсе Мәгариф министрлыгы һәм Казан дәүләт университеты белән берлектә үткәрә торган Н.И.Лобачевский исемендәге Идел буе конференциясенә әзерлекләрен башлады. Әлеге конференциядә Казан шәһәре мәктәпләреннән, шулай ук РФ регионнарыннан һәм ТР шәһәрләреннән, районнарыннан укучылар катнаша. Конференция 40тан артык төрле фән юнәлешен үз эченә ала. Һәр катнашучы үзенең чыгышына нык әзерләнә, чөнки вакыт һәм түземлек, зур көч таләп ителә. Безнең укучылар биш секция эшендә катнашачак.

• Татар әдәбиятыннан:
• “Әдәбият дөньясына сәяхәт” Бабаханов Дастан (11 сыйныф). Фәнни җитәкчеләр – Шәмсиева Г.Г., Рамазанова Ч. Р, Баһаутдинова Р.Р.
• “Яшәешнең өч дөньясы” (Г.Гыйльмановның “Әткәйнең сугыш көндәлеге” повесте буенча) Минһаҗева Айнур (11 сыйныф). Фәнни җитәкче – Рамазанова Ч.Р.
• “Э.Шарифуллина шигъриятендә этник бизәкләр” Сабирҗанова Эльвина (8а сыйныфы). Фәнни җитәкче – Абдуллина Г.В.
• Математика: «Метод координат как средство решения задач» Сәгыйрова Лилия (11 класс), Зарипова Энҗе (10 класс). Фәнни җитәкче – Кузьмина И.А.
• Инглиз теле: «Речевой этикет и особенности национального характера англичан» Ибраһимова Лилия (10 класс). Фәнни җитәкче - Хайсарова Ч.М.
• Рус әдәбияты: «Традиции и новаторство сказок А.С.Пушкина» Галиуллина Гөлшат (9б класс). Фәнни җитәкче – Зергирова Л.Н.
• Биология: “Паразиты и их влияние на здоровье человека” Зарипова Энҗе (10 класс). Фәнни җитәкче - Әхмәдиева З.Ә.

Без яшь галим-тикшеренүчеләребезгә зур өметләр баглыйбыз һәм аларга конференциядә уңышлы гына чыгыш ясауларын телибез!

Җамалиев Нияз, 7а